疲於奔命

成個禮拜…每一日起身第一樣諗既野就係整board…
唔明點解可以"dump"咁耐先做完"…
到今日為止…都算完成架啦…
雖然同我最初諗既設計圖有一定程度上既出入…
不過都係嗰句:得兩個人做，想點先…? 
(:釘都釘到手痛…話說我又冇乜力…塊版又難釘，所以要好暴力去釘@3@)
跟住落黎就要煩另一個board啦


唉…其實我今日都懷疑自己…
到底係我責任心太強…定係身邊既人唔太值得信賴…所以先搞到我ok中意攪哂d野黎做呢?
有時真係唔想"哦"咁多...但有種人總係喺呢d繁忙的時候仲要係踢一踢先郁一郁
真係...有咩理由唔炆+"哦"呢??


果然好野呀…明明話琴日測econ都可以變聽日測…
真係…我溫極都唔多明…
一路溫一路諗起sho都係讀econ
就覺得雖然眼前既一堆數好煩…但都唔可以放棄…不過聽日第一堂測…早死早著…
可以有時間溫d折墮野etc，下一課我一定要砌低你地XD(:希望)


有d野真係唔輪到自己揀…
如果有得揀我真係唔想坐埋一邊做管家…去幫人執番d毛巾同遞毛巾
可以的話，無論點都要游番三種式呀…


人係你鬼又係你…未諗好就咪舉手…
唔通要成班就你一個?
個個禮拜都咁多野做架啦，你估得你一個忙?
最樣衰就係有人見到你又做人又做鬼嗰刻


學童焦慮…我諗我應該一早就有左…
我真係嗰種咩都諗一餐既人…人生既野etc
見住依加d細路已經唔識應對壓力，都唔知佢地大個點算@@

Arashi新歌MV曝光… 
講真有邊個唔想第一時間睇呀，所以我依加唯有斬腳趾避沙蟲咁…
見到有post都唔禁入去睇…如果唔係就番唔到轉頭架啦…
我一定會分心係咁loop+揾歌詞+揾相關既post…
點講呢…我又唔係話對新歌冇期待…
只係日日都多一個包袱…搞到我都冇乜mood
所以近來覺得，可以番屋企見下屋企人…
安安樂樂食每一餐已經好滿足…(:突然好老熟@@)


結他…冇譜…所以仲未練
唉…都洗濕左個頭…所以唯有頂硬上


朋友聽日生日...生日禮物啦喎...都係補送啦...
根本忙到都冇時間去諗= =
(:btw我都有d期待我生日XDD)


點解可以擺個書包入我locker架!?!?
聽朝番學一定第一時間開locker!!!!!!


話說今期飲歌係nino既秘密
(:第一次係喺Arafes d 檔到聽番黎...覺得nino唱歌把聲好得意
之後突然有一日用用下電腦想聽歌...就聽番lu...)
發現如果秘密+Hello Goodbye+Friendship連住黎聽係好正既
同埋...應該係暑假開始中意玩和音...超好玩喎
依加聽親"サクラ咲ケ"都走去唱和音XDDD

好...今晚繼續econ溫習~!!!!